He hōhonu, he whānui te uru mai o te iwi Māori ki roto i ngā mahi o te Pākanga Tuarua; tata ki te 16,000 tāngata Māori i rēhitatia mō te pakanga ki tāwāhi, ā, e 3,600 pea i tae atu.  I te marama o Māehe 1943, e 29,000, arā, kotahi hautoru o te iwi Māori, e kawe ana i ngā mahi pakanga, tokomaha i waho i ngā ope tauā.

He mea tautoko a Te Hau Kāinga e Te Pūtea Rangahau a Marsden kia āta tirohia te whakapā mai i te pakanga ki ngā whānau noa me ngā kāinga, ā ki te porihanga Māori hoki.  Kei te aro mātou ki ngā take whānui, tae ana ki ngā mahi tāmau whenua, ki ngā kawenga ā-ōhanga ki te kāinga hei tautoko i te pakanga, me te manaaki i ngā hōia i tō rātou hokinga mai.

Mā tēnei paetukutuku, kei te pīrangi mātou ki te toro atu ki ngā whānau me ngā hapori, ki te whakaatu hoki i ā mātou e kite nei.  Kei te mihi mātou ki a koutou kia tukuna mai ngā kōrero mō ō koutou whānau i te wā o te Pakanga Tuarua o te Ao.