Ko Wai Mātou

Ko te whāinga o te tīma o Te Hau Kāinga he whakaputa i tētahi pukapuka mō ngā wheako o te iwi Māori e noho ana ki Aotearoa nei i te wā o te Pakanga Tuarua o te Ao.  Ka hōparatia e mātou ngā tini pepa, pukapuka, whakaahua hoki o taua wā, me ngā kōrero tuku iho hoki kua puripuritia e ngā whānau.

E toru ngā wāhanga matua o tā mātou kaupapa rangahau.  Ka tirohia i pēhea i hāpai ai ngā mahi a ngā tāne me ngā wāhine Māori i te ōhanga o te motu nei, ā, i pēhea i pā mai ai te pakanga ki ngā mahi ā-iwi, ā-whakapono, ā-tikanga a ngā whānau me ngā kāinga.  Neke atu i te haurua o te iwi Māori i raro i te 21 tau i te tau 1945; nā reira, ka whakatewhatewhatia hoki i pēhea i panoni ai ngā tūmanako o ngā rangatahi i te wā rerekē o te pakanga nei, ā, i pēhea ngā mahi me ngā āhua noho o taua whakatipuranga.

He wāhanga tā tēnā mema tā tēnā mema o te tīma, ā, e tautokona ana te kaupapa nei e tētahi rōpū tohunga hei ārahi i a mātou kia pai ai kia tika ai ā mātou mahi rangahau.